مشاكلك مع بنتك بتخنقك؟؟
لما بنكون متضايقين، بنبقى حاسين إن صدرنا طابق علينا.. وبنبقى حاسين اننا قاعدين في قمقم ضيق.. وإن مفيش حاجة هتخرجنا من اللي احنا فيه
..
..خصوصا لو المشكلة مع أقرب حد، جوزك، بنتك، ابنك، أهلك.. ونبتدي بقى نتنرفز على أي حد ييجي في وشنا، وخصوصا ولادنا، هما دول اللي بنقدر عليهم للأسف
..
..لما ده بيحصل معايا، ببقى حاسة إن عندي ضيق وحزن عميق أوي
، والمشكلة إني ممكن أفتكر مشاكل قديمة ملهاش أي علاقة بالمشكلة اللي انا فيها.. أهو من باب الكآبة وإن الدنيا مفيهاش حاجة عدلة
..
، والمشكلة إني ممكن أفتكر مشاكل قديمة ملهاش أي علاقة بالمشكلة اللي انا فيها.. أهو من باب الكآبة وإن الدنيا مفيهاش حاجة عدلة..زمان مكنتش بعرف أعمل إيه في الإحساس ده، لأن المشكلة ممكن تطول، وحلها ياخد وقت، وبيبقى اللي مسيطر عليا هو إني محتاجة حد يصالحني ويخلّص المشكلة وخلاص بقى..
..وفي رحلة دراستي في التربية وقراءاتي في علم النفس، اتعلمت إن فيه أساليب أقدر أخرج بيها من مرحلة الحزن والضيق الشديد، للحزن العادي، اللي هو أنتي ممكن تكوني بتشتغلي وبتعملي اللي وراكي عادي، وانتي حزينة بردو
، متبقيش حاسة إن صدرك ضيق ومخنوقة لدرجة إن أفكارك كلها مشوشة، ومخك مرتبك..
، متبقيش حاسة إن صدرك ضيق ومخنوقة لدرجة إن أفكارك كلها مشوشة، ومخك مرتبك..
٥ حاجات ممكن تعمليهم لو حسيتي إنك مخنوقة من خناقاتك الكتير مع بنتك:١. دواء جاهز، ربنا سبحانه وتعالى قالنا عليه في سورة الحجر:
قال الله تعالي: {وَلَقَدْ نَعْلَمُ أَنَّكَ يَضِيقُ صَدْرُكَ بِمَا يَقُولُونَ، فَسَبِّحْ بِحَمْدِ رَبِّكَ وَكُن مِّنَ السَّاجِدِينَ}..
فأول حاجة نعملها لما نحس نفسنا مخنوقين هي التسبيح.. والسجود
..
..٢. الاستعانة بالله.. كلمة “لا حول ولا قوة إلا بالله” سحر حقيقي.. يعني، اننا منقدرش على حاجة إلا بمعونة ربنا سبحانه وتعالى
..
..٣. الخروج لمكان مفتوح.. لما تحسي بالخنقة دي وإنك مش قادرة تسيطري على الأفكار السلبية، غيري مكانك.. بالرغم إننا بيبقى متهيألنا إننا نفسنا مسدودة وإن الخروج مش هيفرق، إلا إنه بيفرق جدا جدا.. الأبحاث أثبتت إن الخروج في مكان مفتوح بيقلل القلق والاكتئاب وبيخلي مخك يرتاح من الدوشة اللي شغالة جواه.. اخرجي بره البيت حتى لو من ٢٠ ل ٣٠ دقيقة فقط، روحي في مكان مختلف لوحدك أو مع ناس مختلفين عن اللي متعودة تقعدي معاهم.. الخروج بره البيت بيخرجنا بيخلينا قادرين نفكر بشكل أفضل
..
..٤. اتمشي.. الحركة والمشي أو الرياضة بتخلي الجسم يفرز الإندورفين اللي بيخليكي حاسة بالسعادة.. كمان الحركة هتخليكي مخك مركز على حركة جسمك، فهيحسنلك مزاجك ويهدي توتر الجسم والمخ.. ويخلي عضلات جسمك أكثر استرخاءا
..
..٥. اتنفسي.. شهيق لمدة ٥ عدات وزفير ٥ عدات، ده هيخلي الأكسجين يوصل للمخ، وهتهدي بسرعة بإذن الله
..
..عايزين نفتكر دايما إن الابتلاءات هي اختبارات من الله سبحانه وتعالى، ورفع درجات، يعني أمر المؤمن كله خير.. وإنه اليأس مش من صفات المؤمنين.. والدعاء بيغير الأحوال. دايما ادعي لولادك
اترك تعليقاً