بنتك واخدة منك جنب؟؟
لما بلاحظ ان حد من بناتي واخد مني جنب، براجع نفسي.. بشوف لو أنا قلت حاجة زعلتها
.. أكيد مش دايما ببقى أنا السبب، لكن أنا بحب أراجع نفسي.. وفيه فرق كبير بين إني أسعى إنها تبقى راضية طول الوقت واني أتحايل وأدادي 
، وبين إني أراجع نفسي علشان أتصرف أفضل المرة الجاية
..
.. أكيد مش دايما ببقى أنا السبب، لكن أنا بحب أراجع نفسي.. وفيه فرق كبير بين إني أسعى إنها تبقى راضية طول الوقت واني أتحايل وأدادي ، وبين إني أراجع نفسي علشان أتصرف أفضل المرة الجاية..وخصوصا إني ببقى عارفة أنا بتصرف ازاي وقت ما بكون مشغولة او عندي حاجة موتراني
، كل واحد عارف نفسه بقى
..
، كل واحد عارف نفسه بقى..ممكن متنرفزش، ولكن ممكن أقول مثلا “كويس انك عملتي فطار لنفسك، كان ممكن تنضفي الطاسة علشان الأكل ميلزقش فيها”.. أو ممكن معملش حاجة هي طلبتها مني ووافقت عليها قبل كده.. يعني مقولتش لأ بس معملتهاش.. نوع كده من أنواع العقاب الخفي.. فبنتي ممكن تبقى متضايقة مني، وقررت إنها تتضايق ب صمت وتسكت وتاخد جنب
..
..لما اتعلمت تربية ودرست حاجات كتير في علم النفس، عرفت إن فيه حاجة بنعملها واحنا في منتهى البراءة، وبنفتكر إننا مبننتقدش ولا حاجة، ولكن تأثيرها على نفوس اللي بيتعامل معانا سيء جدا
..
..
الأسلوب ده نوع من أنواع ال emotional abuse أو سوء المعاملة العاطفية.. اللي هو أنا منتقدتش ولا زعقت، ولكن ضايقت الناس من غير ما يعرفوا يمسكوا عليا غلطة ولا حتى يعرفوا يقولولي أنا ضايقتهم في إيه.. ودي الحقيقة مش شطارة خالص.. الأسلوب ده ينفع جدا لما تكوني متضايقة من حد وعايزة تخرجيه من حياتك بطريقة سلمية.. يعني تطفشيه وتحرّميه إنه يتعامل معاكي تاني.. لكن الأسلوب ده مينفعش نعمله مع أقرب الناس لينا، جوزك وولادك وقرايبك اللي عايزة تحافظي على صلة الرحم بينك وبينهم..أسباب سوء التعامل العاطفي، ممكن يكون انك انتي نفسك اتعرضتي للانتقاد كتير وانتي صغيرة.. وقولتي لنفسك انك مش هتكرري ده، ولكنك وانتي مش واخدة بالك كررتيه بشكل مختلف.. وبقيتي تستعملي النقد بأشكال مختلفة.. زي:١. التريقة والهزار الغير مقبول: مثلا، اذا فكرتيها بموقف هي اتصرفت فيه بطريقة غريبة وهي أُحرجت من نفسها، وافتكرتوه وقعدتوا تضحكوا عليه.. ولما متتقبلش الهزار والتريقة تقوليلها، اكبري شوية، ده هزار ولازم تتقبليه عادي
..
..٢. الاستهزاء بالشكل واللبس: “طول ما انتي لابسة كده، مش هتلمي حواليكي غير الصحاب الغريبة زيك”
..
..٣. التقليل من الإنجازات: “أختك كانت بتجيب درجات بسهولة في الانجليش، مش عارفة انتي واقفة عند ال ٨٥% ومش عارفة تعديها ليه؟”
..
..٤. التقليل من هواياتها اللي بتحبها، وتحجيمها: “بتعملي اكسسوارات حلوة، بس عمرك ما هتبقي جامدة فيها، متضيعيش وقتك فيها.. ذاكري أحسن”
..
..٥. الرفض لشخصيتها: لما تيجي تحكيلك حاجة مهمة من وجهة نظرها، زي خناقة مع صاحبتها مثلا، وانتي تقوليلها، “انتي ليه عاملة مشاكل طول الوقت كده، بغض النظر هي فعلا السبب ولا لأ”
..
..٦. تدمير الشخصية: استخدام كلمات تدل على إنها “دايما” كانت أو هتفضل فيها صفة مش كويسة.. مثلا “انتي دايما مهملة”.. “طول عمرك بتتصرفي غلط”.. ” انتي عمرك ما هتتعدلي”
..
..٧. الألقاب المهينة حتى لو من باب الهزار.. زي مثلا “أهي جت بنتي أم وش مليان”.. أو “الكئيبة وصلت”.. ممكن تكوني بتقوليلها الكلام ده بهزار، بس بردو دي سوء معاملة
..
.. وبالمقابل بنتك بتقلدك بالضبط، وبتعمل نفس الحاجات دي، وتستمر كمان في المعاملة الصامتة ليكي في فترات الهدوء اللي مفيهاش خناقات بينكم.. فانتي كمان بتحسي إنها بترفضك وترفض تقعد معاكي.. كلنا ممكن نعمل أشكال الإساءة دي من وقت للتاني.. ولكن الخطر إنه الإساءة تبقى أكبر بكتير من لحظات الحب والتعاطف اللي بتقدميها لبنتك..
الحل إيه؟؟.. الحل في ٧ خطوات..١. إننا نبقى واعيين تماما بإننا احيانا بنستعمل الإساءة العاطفية لبناتنا وولادنا ونحط إيدنا عليها علشان منكررهاش.. وقبل ما نتكلم نفكر في كلامنا وتأثيره.. ادي لنفسك ٥ ثواني قبل ما تتكلمي..
٢. تعاطفي مع نفسك.. ممكن تكوني تعرضتي انتي نفسك لأنواع من الإساءات دي، فالتعاطف أول شكل من أشكال الشفاء..
٣. سامحي نفسك علشان متقعيش في دايرة جلد الذات لأنها بتدمر أكتر ما بتنفع.. قرري انك بتتعلمي من أخطائك وإنك مسامحة نفسك وهتبتدي من جديد..
٤. اسمعي لبنتك لما تقولك انتي ضاغطة عليا أو إنتي بتتعاملي معاها بشكل عنيف.. اسمعيها كويس وحاولي تحطي نفسك مكانها وتفكري زيها.. وتسألي نفسك أصلح ازاي..
٥. ادي بنتك الاحترام اللي تستحقه.. كلنا نستحق الاحترام بمساواة.. انتي مامتها أيوة، بس ده مش معناه إنك تحترميها بشكل أقل علشان هي بنتك.. بالعكس تماما، انتي بتحترميها علشان هي بتتعلم منك ازاي تتعامل مع نفسها ومعاكي.. اللي بتزرعيه بيرجعلك تاني..
٦. اكتبي كل يوم مشاعرك وأفكارك، وتأملي فيها وادرسيها علشان تفهمي نفسك وتفهمي إيه اللي بيثير مشاعر سلبية عندك.. وازاي إنك متخليش بنتك عندها المشاعر السلبية دي تجاهك..
٧. اعتذري لما تغلطي.. انتي بتدي لنفسك فرصة إنك تعبري لنفسك أولا قبل بنتك إنك شجاعة، وبتعلمي بنتك إنها بردو تعتذر لما تغلط.
اترك تعليقاً