بنتك عنيدة.. ومش عارفة تعملي معاها إيه؟
روشتة سريعة جدا
===========
الأطفال طبائع وشخصيات
..
..ومحتاجين نتعامل مع بنتنا العنيدة بشكل مختلف عن اللي مش عنيدة
..
..أكيد لازم نعدل بينهم في الحب والحنية
..
..ولكن الطريقة تختلف باختلاف الشخصية..
الطفل العنيد مينفعش نكسره ونفرض عليه الحاجات اللي شايفينها صح.. حتى لو هي صح ١٠٠%.. ومتستعجليش وكملي قراية قبل ما تقولي يعني أخلي بنتي تمشي كلامها عليا؟ أكيد لأ طبعا.. بنتك العنيدة محتاجة تحس انها مش مقهورة.. يعني محتاجة تديلها اختيارات.. مثلا تلبسي الفستان الأبيض ولا الأحمر؟ تاكلي دلوقتي ولا كمان ١٠ دقائق؟.. أحطلك البسلة فوق الرز ولا أخليها في طبق لوحدها؟.. وهكذا.. ولو مش عايزة حاجة معينة زي الدوا مثلا، ودي ضرورة، قوليلها تحبي أساعدك تاخديه ازاي؟ بالمعلقة؟ ولا أحطهالك في سرنجة من غير سن؟؟..
ركزي على إنك تنفذي هدفك بأفضل طريقة تحسسيها بيها إنك سامعاها وحاسة بيها.. حتى لو هتتجبر إنها تعمل حاجة مش حاباها، بس على الأقل، هتعملها وهي متأكدة إنك بتحبيها وشايفة إنها كويسة
اترك تعليقاً