امتى هتغيّر وأبقى الأم اللي نفسي فيها

امتى هتغيّر وأبقى الأم اللي نفسي فيها

لما كنت بقابل عقبات مع تربية بناتي، كنت بقول لنفسي إني مش ناجحة..😮‍💨
كلنا بتعدي علينا الأحاسيس دي لما بتمر علينا أوقات صعبة في تربيتنا لبناتنا، وما أكثرها..🤕
وممكن كمان تقولي لنفسك أنا فيه ايه غلط؟ ليه مش قادرة أبقى أم حنينة وليه مش قادرة ان بنتي تفهم فعلا اني بحبها وتفهم كلامي صح☹️..
وبتفضلي تفكري في أفكار كلها تكسير في نفسك لغاية ما تصدقي إنك فعلا فيكي حاجة غلط، ومبتفتكريش أي حاجة كويسة انتي بتعمليها، ولا حتى بتقدري انك تشوفي في بنتك أي حاجة كويسة..
وكل ده بيبدأ بفكرة.. الأفكار اللي بنقولها لنفسنا بتترجم تبقى حقيقة، وكل ده بيخليكي عصبية طول الوقت وبيخليكي مش قادرة تتحكمي في انفعالاتك.. وبنتك طبعا بتقلدك وبتبقى عصبية هي كمان ومبتبقاش قادرة تتحكم في ردودها عليكي😔..
📌📌 طيب تعملي ايه؟
١. أول وأخطر نقطة إنك تغيري الفكرة اللي دايرة في دماغك وتغيري اللغة اللي بتتكلمي فيها مع نفسك.. يعني بدل ما تقولي لنفسك أنا فيا حاجة غلط، قولي أنا ممكن أتحسن ازاي؟؟..
٢. بلاش تقولي لنفسك أنا مستاهلش يحصلي كل ده.. الشفقة على النفس والاحساس بالحسرة مضر جدا جدا.. واجهي مشاعرك حتى لو هي مؤلمة، وحسي بيها..
٣. غلطة كبيرة جدا اننا لما بنحس بشعور يضايقنا، إننا بنشتت مشاعرنا.. متتجنبيش الألم.. حسي بمشاعرك وبعدين شوفي الفكرة اللي ولّدت مشاعرك.. شوفي الفكرة دي لو منطقية ولا مبالغ فيها..
٤. انتي بتبقي متلخبطة ما بين أحسن حل تعمليه وانك تقدري تعملي الحل ده.. الصح انك متزعقيش لبنتك ومتتنرفزيش ، لكن مش بتقدري تمنعي نفسك.. الصح انك تتكلمي معاها بهدوء، لكن رؤيتك للفوضى اللي هي عايشة فيها أو انها بتضيع وقتها ومبتذاكرش بيهليكي متضايقة ومتغاظة وبتكلميها بطريقة جارحة..
٥. اختاري معركتك معاها.. لو محتاجة تزعقي ومش قادرة تمسكي نفسك خالص، يبقى اختاري حاجة واحدة بس تزعقي عليها.. اختاري أهم حاجة بالنسبالك، وتبقى حاجة منطقية، مش أي حاجة والسلام😃..
*********
✅️✅️ وعلشان تقدري تفهمي بنتك أكتر وتقللي العصبية في تعاملك معاها، يمكنك طلب كتابي “افهميني يا ماما” في جميع محافظات مصر عن طريق ارسال رسالة على الصفحة.

Share this post

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *