بنتي معصباني طول الوقت
التوتر والعصبية ليهم أسباب كتير…
مش الولاد هما السبب الوحيد للتوتر، حياتنا مليانة ١٠٠ سبب يخلينا متضايقين ومقريفين طول الوقت.. ولكن علشان هما أضعف حد في حياتنا، بنستسهل ونفرغ عصبيتنا فيهم
..
..
طيب ايه أبسط خطوات ممكن نبتدي بيها علشان نقلل احساس العصبية؟؟أولا فكّري نفسك كل يوم الصبح، يا ترى بعد عشر سنين من دلوقتي لو استمريتي في الضرب أو الزعيق والعصبية، علاقتك بيهم هتبقى شكلها ايه؟؟
..
..ثانيا: اسألي نفسك، هي دي شكل العلاقة اللي انا عايزاها؟؟.. ولا ممكن تبقى أحسن؟؟..
ثالثا: اكتبي ليه انتي متعصبة؟؟.. من مين؟ من ايه؟.. اكتبي الأسباب الحقيقية..
رابعا:عوّدي نفسك كل يوم تكتبي ايه أحلى حاجة في كل واحد من بناتك وولادك.. اكتبي صفة أو حاجة بيعملوها حتى لو صغيرة جدا.. متفكريش وبس، لأ اكتبي.. الكتابة مهمة جدا..
خامسا: خصصي وقت لكل حد فيهم ولو ربع ساعة في اليوم تقعدي تتكلموا وتهزروا سوا بعيد عن الغم والنكد..
سادسا: خصصي ولو ربع ساعة للأذكار والتسبيح في أول اليوم.. وركزي على “لا حول ولا قوة إلا بالله” علشان بجد تبقي متوكلة على الله وبتستعيني بحول الله وقوته في تربيتك لبناتك وولادك
اترك تعليقاً