26أغسطس
أم سألتني، أعاقب ازاي لو لقيت بنتي بتكلم ولد..
بدون الدخول في تفاصيل كتيرة، أهم حاجة يكون العقاب متدرج، وإلا هتلاقي نفسك عاقبتي عقاب شديد وبعدين مش عارفة تعملي ايه تاني..
لو بنتك بتكلمه في الموبايل، اسحبي الموبايل منها يوم أو يومين، أو اديهولها نص ساعة في اليوم مع الرقابة..
لو بتقابله، قللي خروجاتها، وصعدي العقاب بالتدريج..
بس العقاب لوحده مش كفاية ومش هيخليها توقف كلام مع الولد..
مش عايزين ننسى الأهم من العقاب، وهو إننا نعرف ليه هي بتكلم ولد أصلا، ممكن تكون محتاجة تحس بعاطفة من باباها مثلا.. المراهقات بتبقى عاطفتهم سابقة منطقهم، علشان كده مبيفكروش بعقلهم..
ممكن مثلا تكون بتحس انها مش حلوة، أو متستاهلش أي حاجة كويسة، والولد ده هو الوحيد اللي بيحسسها بجمالها و انها تستاهل كل حاجة حلوة..
محتاجين نعرف السبب..
عاقبيها لما تغلط، بس مع العقاب دوري على السبب علشان تعالجي المشكلة صح.. تعالجي المشكلة من جذورها..
اترك تعليقاً