ممكن نربي ولادنا بطريقة غير اللي اتربينا بيها؟
بيقولوا فاقد الشيء لا يعطيه، بس انا بقول فاقد الشيء ممكن يتعلمه ويبقى قادر إنه يعطيه وبشكل رائع كمان…..
أنا ليه بقول كده؟ لأن كتير من الأمهات والآباء ممكن يكونوا اتربوا في بيت مفيهوش تواصل كتير، والأم والأب مكانوش بيتكلموا كتير مع ولادهم أو مكانوش بيلعبوا أو التواصل معاهم مكانش من ضمن أولوياتهم…… وبالتالي الأبناء دول لما كبروا وبقوا أمهات وآباء هيكرروا بالضبط اللي هما اتربوا عليه من غير ما يشعروا أو اعتقدوا إنهم مش هيعرفوا يدوا ولادهم حاجة غير انهم يأكلوهم ويشربوهم ويودوهم مدارس كويسة وهو ده بس واجبهم تجاه ولادهم (إلا لوأدركوا من بدري وقرروا إنهم مش هيعملوا كده)……
الاعتقاد ده خاطيء تماما، دلوقتي ممكن تبدؤوا مع ولادكم، دلوقتي ممكن تغيروا نظرتكم ليهم، دلوقتي ممكن تقرروا انكم تتواصلوا معاهم وتحبوهم زي ما دايما كنتم بتتمنوا وبتحلموا…..
وأقول تاني، فاقد الشيء ممكن يتعلموا ويعطيه وبشكل رائع كمان.
اترك تعليقاً