لقب الأم المكبرة دماغها
انتي كل يوم بتجري بين مسؤلياتك، بتجري بين المدارس والدروس والتمارين والمشاوير وشغل البيت….. الخ، الخ…
بتتعبي أوي وزي ما احنا عارفين، دي الوظيفة الوحيدة اللي مفيهاش أجازات، لا عارضة ولا اعتيادي ولا حتى مرضي 😂….
طيب إيه رأيك لو يوم في الشهر تاخدي لقب الأم المكبرة دماغها….. اللي هو سيبيهم يفطروا أي حاجة واللي عايز يذاكر يذاكر واللي مش عايز براحته، إوعي تتخضي… اليوم ده من عدم المذاكرة مش هو اللي هيبقى سبب انهم ياخدوا درجات وحشة ولا حاجة، ولا هو نهاية العالم، ومش لازم البيت يترتب، بردو مش نهاية الدنيا….
شوفي انتي نفسك تعملي ايه في اليوم ده، عايزة تتفرجي على التليفزيون، تقرئي كتاب، تسترخي، ويا سلام بقى لو قدرتي تخرجي… لوحدك أو مع اصحابك اللي بقالكو سنتين عايزين تتقابلوا 😎…
ساعات كده بنحتاج نفك ومنبقاش الأم المسيطرة على كل حاجة يعني منبقاش ال control freak بتاع كل يوم….
ادي لنفسك أجازة من الجري وراهم ومتابعتهم وتعب الأعصاب واديهم هما أجازة من الزعيق والجري منك…
اترك تعليقاً