اللي بتزرعيه النهاردة بتحصديه بكرة في تربية ولادك….
كتير بتسألي نفسك يا ترى انتي بتربي ولادك ازاي. بتربيهم على انهم يحبوكي و يحبوا البيت اللي اتربوا فيه ولا بيتمنوا اليوم اللي يخرجوا منه و يستقلوا بحياتهم؟
عايزاكي تتخيلي لما يكبروا بعد 10، 15 سنة لما يتجوزوا و يخلفوا، يا ترى هيحبوا يجيبوا زوجاتهم و أزواجهم وولادهم و ييجوا يزوروكي و هما مشتاقين لده و عمالين يحكوا لولادهم عن ذكرياتهم الجميلة في البيت و الحب اللي كان مالي البيت و لعبهم و أوضتهم و اللعب اللي كنتم بتلعبوها مع بعض، ولا هييجوا تأدية واجب و مفيش في دماغهم غير ذكريات سيئة مش عايزين يفتكروها و ما يصدقوا يخلصوا الزيارة الروتينية…..
خلاص تخيلتي؟…
شوفي انتي بتعامليهم ازاي دلوقتي و بتربيهم على ايه و انتي هتعرفي هما هيجولك ازاي لما يكبروا…
ابدئي من دلوقتي انك تملي حياتهم حب و عطف و لعب. صحيح في وقت لتعليم الصح و الخطأ، بس تعلميهم الحاجات ازاي؟ بردو بالحب و اللعب و التعاطف…. اللي بتزرعيه النهاردة بتحصديه بكرة….
اترك تعليقاً