“يا ابني انت شايف نفسك مين علشان تبقى مختلف؟” الجملة القاتلة.. دوري على نقط تميز ولادك

“يا ابني انت شايف نفسك مين علشان تبقى مختلف؟” الجملة القاتلة.. دوري على نقط تميز ولادك

المحل ده لفت نظري جدا بالرغم ان كل المحلات معلقة يفط ال sale لكن كلهم قايلين هما عاملين تنزيلات أد إيه ٥٠% و ٧٠% وبس كده… المحل ده، الناس اللي فيه اختاروا إنهم يكتبوا كلمات و يكتبوا motivational quotes أو جمل تحفيزية زي be yourself و create & dream …

ولأني بحب التميز (uniqueness) وقفت قدام المحل ده أقرأ الجمل وأصورها… الوقت ده من السنة، كل المحلات بتبقى عاملة تنزيلات لكن المحل ده اختار إنه يبقى مختلف ومميز…

المشكلة في مجتمعنا إننا أحيانا مبنقدّرش نقط اختلافنا مع الآخرين لأن اللي حوالينا بيدفعونا إننا نبقى شبه بعض… حتى في موروثاتنا في كلام زي “عيش عيشة أهلك” أو “انت مين يعني علشان تبقى مختلف” أو أي جمل من الدارجة اللي ممكن تكون محبطة جدا…

علشان كده أنا بقدّر جدا أي حد بيعافر ويكافح علشان يبقى مختلف ومتطور و unique …

شابوه لكل أم بتدور على نقط تميز ولادها وتنميها ليهم.. شابوه لكل أم بتتعلم وبتتطور علشان تبقى مختلفة وتربي ولادها بطريقة مختلفة..

تعليم، تطور، نمو…. مينفعش نبقى كلنا نسخة واحدة، احنا زي أهالينا وولادنا زينا، مينفعش… كلنا فينا نقط تميز واختلاف بس المهم نعرف ندور جوا نفسنا علشان نلاقي نقط تميزنا اللي نقدر نعمّر بيه الأرض ونربي أجيال مختلفة…

Share this post

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *