كل يوم بيبقى عندك خطة محكمة ليومك علشان تخلصي اللي وراكي بس خططك كل يوم بتبوظ؟ 😔😭

كل يوم بيبقى عندك خطة محكمة ليومك علشان تخلصي اللي وراكي بس خططك كل يوم بتبوظ؟ 😔😭

أنا كل يوم عندي خطط وكل يوم بيبقى عندي ليستة حاجات أعملها، في آخر اليوم بكتشف إني مخلصتش غير 50% منها والنتيجة إنها بتترحل على اليوم اللي بعده واللي بعده وكل الأيام بقت مليانة ومفيش حاجة بتخلص، وبقيت على طول متوترة وعصبيتي بتطلع على ولادي وبيجيلي إحباط شديد جدا….

كام واحدة فينا قالت الكلام ده لنفسها كل يوم تقريبا؟؟😥

إدارة الوقت مھارة صعبة علشان تتقنیھا، أمھات كتیر بیشتغلوا أو قاعدین في البیت متفقین إنه مفیش وقت كفایة في الیوم لإنجاز كل حاجة حتى أكتر الأمھات تنظیما ممكن تتوتر لما یكون الوقت ضیق…

خلينا نتفق إن التخطيط من أهم الحاجات اللي تعمليها علشان تنظمي حياتك وإن الفشل في التخطيط يؤدي إلى التخطيط للفشل.
Failing to plan is planning to fail

أنا مش بقول طبعا إننا لازم نمشي حياتنا بالساعة🕔، أكيد لأ، لازم يكون عندنا مرونة في التفكير والتخطيط ولازم دايما نعمل حسابنا على إن فيه طواريء بتدخل حياتنا مش من ضمن الخطة، لو حاولنا نقلد الناس اللي بتمشي كل حياتها بالساعة هنتضايق ونحبط جدا لأن مش كلنا عندنا القدرة الخارقة في التخطيط والتنظيم الرهيب، لكن كل شيء بالمعقول كويس، نخطط ونبقى مرنين ويبقى عندنا بدائل في حال إن خطتنا منجحتش..

أولا لازم توقعاتنا تبقى معقولة، مينفعش يبقى يومنا مليان ونحط فيه حاجات تتعمل في يومين تلاتة، ده شيء محبط جدا.. وفي نفس الوقت مينفعش نحط حاجات أقل من الوقت ومنخلصش اللي ورانا..

التشتيت مضيعة كبيرة للوقت، نبقى بنعمل حاجة، بنكتب تقرير أو بنقرأ مقالة، ومخنا بيسرح في الحاجات التانية اللي ورانا وممكن جدا نسيب اللي اللي بنعمله ونروح نشتغل في الحاجة اللي افتكرناها فلا بنخلص دي ولا دي وبنلاقي نفسنا في آخر اليوم تعبانين جسديا وذهنيا.. أول ما تلاقي نفسك سرحتي في حاجة غير اللي بتشتغلي عليها، اكتبيها وسيبيها علشان تريحي مخك إنك مش هتنسيها وكمان علشان تركزي وتخلصي اللي في إيدك…

حاجة من الحاجات المهمة جدا واللي بتخلينا محبطين في أوقات كتير، إننا معندناش وقت لنفسنا، بنحس إن وقتنا كله رايح على ناس تانيين غيرنا، وده بيدينا انطباع إننا مش مهمين أو احتياجاتنا على الهامش جدا، ف مهم جدا إننا نبدأ يومنا بحاجة لينا، حاجة ممكن تتعمل في ربع ساعة أو نص ساعة قبل ما نصحي ولادنا ونبتدي في الروتين اليومي العادي.. ومهم بردو إننا ننهي اليوم بحاجة لينا بردو، حاجة تنعشنا وتخلينا ننام واحنا مبسوطين ودي بتختلف من حد للتاني..

Share this post

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *