احنا مشغولين أوي صح؟
النهاردة لقيت الجواب ده بالصدفة…
في ٨ مايو ٢٠٠٨، صدر الجواب ده من مكتب رئيس جامعة المنصورة تهنئة منه على تعييني مدرس بعد حصولي على الدكتوراه…
أد إيه صيغة الخطاب جميلة ومشجعة، و تفتح النفس 😊..
وبالرغم ان الخطاب ده أكيد راح لكل المدرسين اللي اترقوا ساعتها، وكان ممكن يوجهوا بشكل عام ، لكنه اختار إن الخطاب يكون personalized علشان نحس إنه بيكلم كل واحد فينا لوحده.. وبرغم مشاغل رئيس الجامعة الكتير إلا إنه أخد الوقت إنه يمضي على جواب كل مدرس في الجامعة….. وكان ممكن جدا يسيبوا مكان الاسم والكلية فاضيين علشان بعد مايمضي نسخة واحدة ويصوروها، يتكتبوا بخط اليد…
دي حاجة مهمة جدا، إننا نتكلم مع كل حد كأن مفيش حد تاني معاه وندي لكل واحد اهتمام خاص..
مهم جدا إننا نحسس الطلبة بتوعنا باهتمامنا بيهم، بكل واحد فيهم كأن مفيش حد غيره مهم ❤…
مهم جدا إننا نحسس ولادنا واحنا بنكلم كل واحد فيهم إنه أهم حد في الدنيا بالنسبالنا ❤❤..
الاهتمام فن والتواصل مهارة يمكن تعلمها وإتقانها حتى لو مكناش بنعرف نعملها قبل كده..
اترك تعليقاً