مرهقة جدا وتعبانة؟
أنا مش عارفني 😂😂 فيه بوست قصير جدا عبارة عن سطر واحد قرأته من كام يوم مفهمتوش وأعدت قراءته كتير جدا بردو مفهمتوش، فقلت لنفسي أكيد البوست مش مفهوم وملوش معنى (ده طبعا حسب رؤيتي ساعتها 😀) وطبعا مشكتش في نفسي لحظة 😊… النهاردة بالصدفة عدى عليا نفس البوست وقرأته وفهمته على طول ولقيته انه مش صعب الفهم خالص وواضح...
العقبات العقلية بتخسرنا كتير
دلوقتي مصر خسرت الماتش والناس اللي تعرفني كويس، تعرف اني مليش في الكورة خالص ومش هتكلم في المدرب ولا التشكيل، لكن خليني أحلل تحليل عقلاني عاطفي مش تحليل كروي طبعا 😁…. احنا مخسرناش علشان المنتخب مبيعرفش يلعب أو امكانياته قليلة، بالعكس لما لعبوا بعد جه فينا ٣ أجوان، لعبوا كويس جدا وكانوا ضاغطين على المنتخب الروسي… طيب احنا...
ازاي الأم تختار كورسات صح
اعلانات كتير عن كورسات بترفع الثقة بالنفس أو بتخلي الطفل منطلق وأقل خجلا والأم بتبقى محتارة تعمل ايه؟ تدفع المبالغ دي كلها على أمل ان ابنها يثق في نفسه أو يبقى أفضل وترتاح في التعامل معاه وفعلا كتير بيدفع مبالغ كبيرة جدا على الأمل ده وكتير بردو مبتلاقيش النتيجة اللي كانوا متوقعينها… والأفضل من إن الأم...
نظرية الأم العيّلة 😁…
انتي أم بتشتغلي؟ منصبك كبير؟ مدير؟ وكيل وزارة؟ أستاذ جامعي؟ حسيتي إنك كبرتي وإنك مينفعش تلعبي مع ولادك وخصوصا قدام الناس؟ بريستيجك ميسمحلكيش بكده؟… بتتحججي إنك مش قادرة تلعبي علشان متقوليلهمش إن منصبك ميسمحلكيش؟… طيب فكرتي في كم الذكريات اللي بتخسريها مع ولادك؟ فكرتي في احتياجات ولادك للعب معاكي وانهم نفسهم تشاركيهم في اهتماماتهم؟… لما تكبري وولادك يتجوزوا...
أنا مش متأكدة إني بعمل اللي عليا.. أنا مش متأكدة إني أم كويسة..
أنا مش متأكدة إذا أنا قادرة أوازن بين شغلي وبيتي.. أنا مش متأكدة إن ولادي بيحبوني وواصلهم إني بحبهم وبعمل علشانهم مجهود كبير أوي… الشك الدائم في إني أم كويسة أو إني بعمل اللي عليا، بيوجه المخ إنه يعمل ارتباط بين الشك و الخوف.. ولما الخوف بيبدأ يدخلنا، ده معناه إن اللي سايق هو ال limbic system...
متقارنيش بينك في الزمن ده وبين حد تاني في زمن فات
عايزنا نرجع زي زمان، قول للزمان ارجع يا زمان… كل ما تعملي حاجة في بيتك أو لولادك، تفتكري مامتك أو حماتك كانوا بيعملوا إيه زمان، وتقارني بين قدراتهم وقدراتك؟ وبين حجم اللي كانوا بيعملوه وحجم اللي انتي بتعمليه؟ فضميرك يعذبك وتحسي بالتقصير تجاههم؟ وتحاولي ومتقدريش فتتعبي فتتعصبي على ولادك؟ فتندمي وتقارني تاني وتدخلي الدايرة اللي ملهاش...
