Author - admin

بنتك عنيدة.. ومش عارفة تعملي معاها إيه؟

روشتة سريعة جدا =========== الأطفال طبائع وشخصيات.. ومحتاجين نتعامل مع بنتنا العنيدة بشكل مختلف عن اللي مش عنيدة.. أكيد لازم نعدل بينهم في الحب والحنية.. ولكن الطريقة تختلف باختلاف الشخصية.. الطفل العنيد مينفعش نكسره ونفرض عليه الحاجات اللي شايفينها صح.. حتى لو هي صح ١٠٠%.. ومتستعجليش وكملي قراية قبل ما تقولي يعني أخلي بنتي تمشي كلامها عليا؟ أكيد لأ طبعا.. ...

زهقتي من الزعيق لبنتك؟

لما كانوا بناتي صغيرين، ويجيبوا درجة وحشة.. كنت بقعدهم قدامي وأديهم محاضرة في ازاي هما يفشلوا في الامتحان ده (شايفين أصلا الكلمة.. مبالغ فيها أوي)، ممكن اقعد اتكلم نص ساعة، او ساعة.. علشان أتأكد انهم استوعبوا.. ليه بدي محاضرة؟؟.. لأني كنت خايفة إنهم يكرروا الخطأ ده.. علشان أنا خايفة أحسن يطلعوا فاشلين.. قلقانة من اللي...

بنتك واخدة منك جنب؟؟

لما بلاحظ ان حد من بناتي واخد مني جنب، براجع نفسي.. بشوف لو أنا قلت حاجة زعلتها.. أكيد مش دايما ببقى أنا السبب، لكن أنا بحب أراجع نفسي.. وفيه فرق كبير بين إني أسعى إنها تبقى راضية طول الوقت واني أتحايل وأدادي ، وبين إني أراجع نفسي علشان أتصرف أفضل المرة الجاية.. وخصوصا إني ببقى عارفة...

خناقاتك مع بنتك لا تنتهي؟؟

كل يوم بنتي الصغيرة اللي لسه داخلة المراهقة جديد تلبس يونيفورم مخالف.. وكل يوم أقولها هيدوكي عقاب.. وتقولي لأ محدش بيقول حاجة.. كل يوم على هذا الحال.. وبعد حوالي ٣ أسابيع من اللبس المخالف كلموني في المدرسة وقالولي إن بنتي لابسة مخالف وإنهم طلعوها بره الكلاس.. وقالولي انها مش هتدخل غير لما تلبس اليونيفورم الصح.. والحقيقة إنها...

بنتك مبتكلمكيش إلا لما تكون عايزة منك حاجة؟

أم بتشتكيلي إنها كبرت ومحدش حاسس بيها.. بنتها بتطالبها إنها تلبيلها كل طلباتها ومش مهم إذا كانت تعبانة.. ومبتكلمهاش غير لما تكون عايزة تطلب منها طلب .. أم تانية بتروح للدكتور لوحدها لما بتكون تعبانة.. ومحدش من ولادها ضميره بيأنبه حتى.. الأمومة مش معناها إننا نتخلى عن بشريتنا وإنسانيتنا واحتياجاتنا.. التضحية مش معناها إننا نسحق نفسنا لغاية ما...

حاجة واحدة لو عملتيها، هتعدل ميزان تربيتك لبنتك

بناتي، وهما صغيرين، كانوا تقريبا ٤ سنين و٦ سنين، كنت بوديهم يلعبوا اسكواش، سنة كاملة من غير تحقيق أي تقدم وأنا مصرة أوديهم.. مع اني كان ممكن أوفر شهور طويلة من التعب والمشاوير والضغط عليهم في رياضة مناسبة ليهم أكتر.. بس أنا كنت بدور على "الصح".. لما ولدت بنتي الصغيرة، رفضت إن حد ييجي يساعدني، وفعليا...

اسمحي لنفسك تبقي بني آدم، مش بس أم

كنت مع واحدة صاحبتي امبارح وبنتكلم عن ذكرياتنا مع ولادنا، فقعدنا نقول إحنا بيعدي علينا كتير أوي.. سبحان الله، مرض الولاد وتعبهم، العمليات اللي عملوها، التدوير على المدارس والدروس.. طبيعة كل شخصية ومشاكلها.. مرحلة المراهقة وازاي بيتقلبوا ١٨٠ درجة.. ده غير البيت والشغل والناس اللي حوالينا.. مسؤوليات لا تنتهي.. حقيقي نعمة كبيرة جدا ولازم نشكر ربنا عليها...

بنتك بترفض كلامك لما بتقوليلها غيري لبسك والبسي حاجة تليق بيكي وتخليكي أحلى وأجمل؟؟

ومش بس بترفضه، دي كمان ممكن تتريأ عليكي وتستهزأ بكلامك؟؟.. وانتي بتستغربي جدا من إنها بتحاول تكسر كلامك في كل حاجة بتوجهيها ليها علشان تبقى أفضل.. كلنا عارفين ان سن المراهقة فيه تحديات كتيرة.. لكن اللي بتتفاجيء بيه إن البنت اللي كانت مهذبة وكويسة، بقت شخصية مختلفة، مبقيتيش عارفاها ولا عارفة هي ازاي بقت كده.. وأكيد أكيد ان...

بنتك بتتعصب كتير؟

لما بنتي الكبيرة كانت لسه في المدرسة، كانت بتاخد دروس كتير علشان امتحاناتها، وفجأة وبدون سابق انذار لقيتها متنرفزة جدا وبتقولي انا مش عايزة أروح دروس تاني، أنا زهقت وتعبت، وقررت اني مش هروح دروس.. طبعا رد الفعل التلقائي أو نقول العادي، اني أقولها "انتي ازاي تتكلمي بالطريقة دي؟ وليه تعلي صوتك كده؟؟ ومينفعش انك تكلمي...

امتى هتغيّر وأبقى الأم اللي نفسي فيها

لما كنت بقابل عقبات مع تربية بناتي، كنت بقول لنفسي إني مش ناجحة.. كلنا بتعدي علينا الأحاسيس دي لما بتمر علينا أوقات صعبة في تربيتنا لبناتنا، وما أكثرها.. وممكن كمان تقولي لنفسك أنا فيه ايه غلط؟ ليه مش قادرة أبقى أم حنينة وليه مش قادرة ان بنتي تفهم فعلا اني بحبها وتفهم كلامي صح.. وبتفضلي تفكري في أفكار...