خايفة ان بنتك تشوف فيديوهات لا أخلاقية؟؟
أم استشارتني وهي مخضوضة جدا إنها اكتشفت ان بنتها بتشوف فيديوهات فيها مناظر وحشة على اليوتيوب
..
..طبعا دي صدمة لأي أم
.. ولكن ده أكتر وقت الأم محتاجة إنها يبقى عندها حكمة في التصرف..
.. ولكن ده أكتر وقت الأم محتاجة إنها يبقى عندها حكمة في التصرف..أكيد أول تصرف بييجي في دماغك إنك تواجهيها باللي انتي عرفتيه وطبعا تضربيها
.. وتسأليها إيه الغلط اللي انتي عملتيه في تربيتها علشان تعمل فيكي كده.. وأكيد هتنهاري إن تعبك كله راح على الأرض
..
.. وتسأليها إيه الغلط اللي انتي عملتيه في تربيتها علشان تعمل فيكي كده.. وأكيد هتنهاري إن تعبك كله راح على الأرض..طبعا التحلي بالحكمة والهدوء، بالرغم من صعوبته الشديدة جدا في الأوقات دي، هو التصرف الأسلم على الإطلاق، واللي بيجيب نتائج أفضل بكتير من الضرب وهقولك ازاي..
بس خلينا نفتكر حاجتين مهمين جدا في الأول:١. إن في المراهقة، الهرمونات بتتغير، وإنه ممكن يحصل أحاسيس معينة لما تشوف منظر.. وطبعا الإحساس ده جديد وجميل بالنسبالها، فبتبقى عايزة تحس بيه أكتر، فتتجه إنها تشوف الفيديوهات دي..
٢. إن كلنا بنغلط.. وبناتنا بيغلطوا، وهيغلطوا.. ولما نكتشف حاجة زي دي، محتاجين نعلمهم إن ده غلط، ونوجههم ناحية طريق التوبة..
وعلشان تبقي سابقة بخطوة، أو حتى اكتشفتي إن بنتك بتشوف الفيديوهات دي، وعايزاها تشوف فعلا إن اللي عملته غلط، هنتبع تلات خطوات بالترتيب.. يعني المواجهة مش هي الخطوة الأولى في الحالات دي:
أولا: قبل ما تقرري تواجهيها، اتكلمي كتير عن الفيديوهات ال مش كويسة كتوعية ليها، وممكن كمان تتفرجوا سوا عن فيلم وثائقي عن كتر الفرجة على المشاهد ونتايجها السيئة، سواء كانت إدمان مشاهدة الأفلام دي أو محاولة تقليدها..يعني كلميها بشكل غير مباشر وكرري الكلام بأشكال مختلفة..
ثانيا: تابعيها عن قرب، وتابعي أي تصرفات غريبة، وعلشان تعملي ده، قربي منها اكتر، واتكلمي معاها في مواضيع لطيفة كتير، واخرجوا مع بعض كتير، اعملوا شوبنج مع بعض، اتفرجوا على صفحات سوشال ميديا لطيفة،…. يعني خلي فيه أنشطة كتيرة مشتركة بينكم..وفي الفترة دي، متسيبيهاش تقعد لوحدها كتير، بإنك توفريلها أنشطة متنوعة تشغلي وقتها بيها وتكون حاجات بتحبها..
ثالثا: هتواجهيها لو حسيتي إنها لازالت بتشوف الحاجات دي بعد تجربة الطريقة الغير مباشرة.. وضحيلها وبمنتهى الحزم، إنك مش هتسمحيلها تتفرج على الفيديوهات دي لأنها مضرة، واشرحيلها الاضرار بتاعتها..وفي الحالة دي عندك عدة اختيارات، هتحذيرها بإنك هتعاقبيها لو عرفتي بإنها بتشوف الفيديوهات دي تاني، أو تقرري العقاب مباشرة وهو تقليل وقت الموبايل لفترة، ممكن تكون ٥ أيام أو أسبوع، وتزودي المدة لو لقيتيها بتشوف الفيديوهات دي تاني..
ومع المواجهة والعقاب بييجي الدعم، ادعميها بعد ما تكلميها بإنك تأكديلها إنك بتحبيها حتى وهي غلطانة..
اكيد كل ده مش سهل، ولكن كم الفتن اللي احنا فيها محتاجة صبر وحكمة في التعامل..
اترك تعليقاً