حاجة واحدة لو عملتيها، هتعدل ميزان تربيتك لبنتك
بناتي، وهما صغيرين، كانوا تقريبا ٤ سنين و٦ سنين، كنت بوديهم يلعبوا اسكواش، سنة كاملة من غير تحقيق أي تقدم وأنا مصرة أوديهم.. مع اني كان ممكن أوفر شهور طويلة من التعب والمشاوير والضغط عليهم في رياضة مناسبة ليهم أكتر.. بس أنا كنت بدور على “الصح”
..
..لما ولدت بنتي الصغيرة، رفضت إن حد ييجي يساعدني، وفعليا هلكت نفسي ما بين إني أعتني بطفلة رضيعة بكل مشاكل الاطفال في السن ده، وبين اخواتها اللي كانوا في ابتدائي وكنت ساعتها بذاكرلهم كل حاجة، ليه؟.. علشان أنا كنت راسمة لنفسي صورة إني قوية وأقدر أشيل لوحدي كل حاجة، وإن المساعدة دي تعتبر ضعف مني، وأنا مكنتش قابلة غير إني أبقى الصورة المثالية للأم اللي بتقدر تعمل كل حاجة “صح”
..
..كنت كل يوم الصبح بظبط المنبه على وقت معين، وبعدين بوقفه ١٠ دقايق، ولما يرن تاني، بوقفه ١٠ دقايق كمان.. كل يوم، سنين وأنا بعمل كده
، علشان أنا عايزة أعمل “الصح” و”المفروض”.. مع اني ممكن أظبطه متأخر، واقوم في المعاد المناسب بالنسبالي
..
، علشان أنا عايزة أعمل “الصح” و”المفروض”.. مع اني ممكن أظبطه متأخر، واقوم في المعاد المناسب بالنسبالي..أحيانا بنصر نعمل المثالي، مع إنه مش متناسب معانا، بنبقى مش واخدين بالنا إننا بنضغط على نفسنا وعلى كل اللي حوالينا لمجرد إننا ننفذ أحسن حاجة أو أصح حاجة من وجهة نظرنا، وبنفضل تعبانين ومتضايقين علشان مش مناسب بالنسبالنا
..
..بعد تفكير كتير، قررت اني أعمل المناسب ليا، وأتخلى عن فكرة المثالية
..
..ولما تخليت عن السعي للمثالية، خليت بناتي يجربوا رياضات متنوعة لغاية ما اختاروا إيه اللي بيحبوه، واتضح إن اللي بيحبوه، مش رياضة أصلا، واشتغلت على تقبلي إن الرياضة مش نقطة قوتهم.. وكمان ظبطت المنبه في الوقت اللي أنا بقوم فيه فعلا، مش الوقت اللي “المفروض” أقوم فيه
..
..
وعلشان تطبقي نفس الفكرة على ولادك، لو بنتك لعبية مثلا، وكل يوم بتتخانقي معاها علشان “المفروض” انها تبتدي تذاكر الساعة ٥ علشان تخلص الواجبات اللي وراها، وانتي تفضلي تتخانقي معاها ساعة كاملة ومبتبدأش في الآخر غير الساعة ٦، وعلى هذا الحال شهور وممكن سنين، يبقى بدل ما تتخانقي معاها ومش هتوصلي لحاجة في الآخر، استثمري الساعة الضايعة في إنك تهزري وتضحكي معاها أحسن ما تتخانقي.. تقبلي انها بتبتدي متأخر، وحسّني نوعية وجودة الساعة الضايعة.. متخافيش، الطريقة دي متجربة ومضمونة علشان تقليل الخناقات بإذن الله
.. ولو الرياضة اللي بتلعبها مش مبسوطة فيها، خليها تجرب انواع الرياضات المختلفة، علشان تتعرف عليهم، كل واحدة ٣ شهور، وبعدين تختار واحدة او اتنين وتستقر عليهم وتتفقوا سوا إنها تلتزم بيها.. مش معنى كلامي إننا نتخلى عن الالتزام برياضة أو بالمذاكرة أبدا.. أنا بتكلم إننا جربنا شهور وسنين وبنتخانق على نفس السبب، فمحتاجين نفكر بطريقة مختلفة علشان “الصح” في الحاجات دي بالذات مختلف من شخص للتاني.. مستحيل نوصل للشيء الكامل أو المثالية.. بس احنا محتاجين ندعم بناتنا وولادنا علشان نساعدهم يحققوا أفضل حاجة مناسبة لشخصيتهم.. ونتخلى تماما عن الفكرة الوهمية اللي اسمها المثالية، ونشتغل على تقبلنا للشيء الغير مثالي ولكنه متناسب معانا
.. ومحتاجين ندي نفسنا فرصة إننا نفهم بناتنا واحتياجاتهم وشخصياتهم علشان تبقى العلاقة بينا أهدأ وأجمل..**********
وعلشان تفهمي بنتك أكتر، وتقدري تتعاملي معاها صح، اطلبي كتاب “افهميني يا ماما” من خلال رسائل الصفحة
اترك تعليقاً