بنتك بتجادلك وبتستفزك؟؟
بنتك عايزة موبايل جديد؟؟ أو عايزة تخرج مع صحابها؟؟.. ولما تطلب منك طلب وانتي مش موافقة، بتقعد تزهق فيكي وتجادلك لغاية ما تطلعك عن شعورك.. والنتيجة دايما طاقتك بتخلص وبتزعقوا وتتخانقوا علشان تسكت بقى
..
..لما تصرفات المراهقة اللي بتنرفزك تبتدي، بلاش تبقي ضدها.. خليكي دايما في صفها
هتقوليلي ازاي وهي بتتصرف غلط؟؟..
لو هي عايزة تخرج أو تعمل حاجة معينة وعارفة إنك مش هتوافقي عليها.. اللي هي محتاجاه منك إنك تدعميها وتسمعيها.. حتى لو هترفضي طلبها.. وشايفة إنها مش المفروض إنها تطلبه أصلا.. صدقيني مش هو ده اللي بتفتكره بعد سنين.. هي بتفتكر ايه الطريقة اللي انتي رفضتي طلبها.. هل هزأتيها؟؟ زعقتيلها؟؟ قولتيلها كلام جارح؟؟
..
..ولا رفضتي طلبها بهدوء وثبتي على موقفك، وقولتيلها ” أنا عارفة إنك أكيد متضايقة إنك مخرجتيش مع صحابك.. أو إني موافقتش إنك تجيبي موبايل جديد، وأنا متضايقة على زعلك، لكن مش هقدر أنفذلك طلبك”..
هو ده اللي هيأثر فيها.. مش رفضك.. لأ.. طريقة رفضك..
هتجادل؟؟.. أكيد..
هتزن؟؟.. طبعا
..
..هي هتعمل أي حاجة علشان طلبها يتنفذ.. ودي بالنسبالي علامة كويسة على إنها هتعرف تصر على طلبها لما تكبر وتحاول تاخد حقوقها وتبقى شخصية ليها اعتبارها..
مش عايزين نكسر الحتة دي في بناتنا
.. وعلشان كده، في كتاب “كيف تربين فتاة واثقة من نفسها” كتبت عن ازاي طريقة إسكاتنا لبناتنا بتأثر على الثقة في نفسهم وعلى طريقة تصرفاتهم في حياتهم بعد كده.. وده اللي أنا بتكلم فيه في البوست ده..
.. وعلشان كده، في كتاب “كيف تربين فتاة واثقة من نفسها” كتبت عن ازاي طريقة إسكاتنا لبناتنا بتأثر على الثقة في نفسهم وعلى طريقة تصرفاتهم في حياتهم بعد كده.. وده اللي أنا بتكلم فيه في البوست ده..هتقوليلي هجيب صبر ووقت منين؟؟
..
..أقولك..
أولا: راقبي تعبيرات وشك.. لما ترفضي طلب لبنتك، ارسمي ابتسامة على وشك، مش ابتسامة تهكم ولا استهزاء.. ولكن ابتسامة تخفف من حدة الموقف عندك وعندها لأن تعبيرات الوش مهمة جدا في المواقف الصعبة.. يا بتزود حدتها، يا بتقللها.. ودي عن علم الأعصاب وعن تجربة في مواقف كتيييير.. ثانيا: كرري بهدوء ومتزهقيش: “لأ حبيبتي مش هينفع”.. “لو قعدنا نتكلم كتير بردو مش هوافق”.. ثالثا: تعاطفي معاها.. قوليلها “أنا عارفة إنك متضايقة بس أنا مش هقدر أجيب موبايل جديد علشان … وقوليلها السبب.. ولازم يكون سبب منطقي.. يعني احنا مش بنرفض علشان نرفض وخلاص..ممكن تقوليلها مثلا، إنه موبايلها لسه جديد، وبدل ما أجيب موبايل تاني، هستفيد بالفلوس بدفع جزء من قسط المدرسة أو هجيب حاجة احنا محتاجينها في البيت.. أو مش طبيعي إننا نغير موبايل واحنا لسه جايبينه قريب..
رابعا: انتي محتاجة تتكلمي بمنطق عالي، علشان الولاد كلهم مستوى وعيهم عالي جدا، هيتكلموا معاكي بالحجة والمنطق..لو شايفة الخطوات دي متعبة، هقولك كل التعب هيهون علشان هتلاقي نتيجة تسعدك وتسعدها، لأن هو ده اللي هيخليها بتحب تقعد معاكي، وهو ده اللي هيقربكم من بعض.. والاختيار التاني إنك تزعقيلها أو تسكتيها أسهل بكتير، لكن عواقبه على المدى الطويل مش في صالحكم انتم الاتنين..
اترك تعليقاً