مش عارفة تتعاملي مع بنتك بطريقة أحسن؟؟
لورا شلسنجر قالت إنه لما تشوفي كيكة وتتحمسي جدا إنك تعمليها، لكن عمرك ما شفتي دقيق ولا لبن ولا زبدة ولا سكر، ولا أي مكوّن من مكونات الكيكة، مش هتعرفي أصلا تعمليها، هتحتاجي إن حد يعلمك
..
..احنا عارفين إن مهمتنا الأساسية إننا نعلم البنات والولاد ازاي يعيشوا حياة طبيعية وصحية..
وكمان نعلمهم إزاي يبقوا مستقرين نفسيا، وازاي يتعاملوا مع الضغط، إزاي يكونوا زوج وزوجة، ازاي يكونوا آباء وأمهات، ازاي يشتغلوا الشغل المناسب ليهم ويتعاملوا ازاي مع المشاكل..
طيب هيتعلموا ازاي؟؟
بناتنا وولادنا بيتعلموا كل ده مننا.. بيشوفونا بنعمل إيه في كل المواقف، وبيقلدونا.. بيقلدونا في طريقة تعاملنا معاهم.. بيقلدونا حتى في العصبية، والزعيق.. مش عادي إن ولادنا يتهانوا، زي بالظبط إن مفيش ست تحب إنها تنضرب بحجة إن جوزها بيأدبها أو بيخليها في طوعه
.. ولو هتقولولي المقارنة لا تجوز، فهي تجوز جدا، لأن أطفالنا جزء مننا، زينا في الآدمية.. تربيتهم مينفعش يبقى فيها أي أذى، لا نفسي ولا بدني.. زي ما احنا بنتضايق ان حد اتكلم معانا بطريقة وحشة.. بنتك مش بس بتتضايق، لأ دي علشان صغيرة ومخها لسه بينمو، ف كمان بيوصلها صورة مشوهة عن الحياة وبيوصلها إن مفيش مشكلة إنها تنضرب أو تتهان أو تنتقد طول الوقت، وبتطلع شايفة نفسها بصورة مكسورة، وبتعتقد إنها السبب في كل اللي بيجرالها..وبعد كده، هتدوّر في جوزها المستقبلي على حد بيعاملها بنفس الطريقة، إلا لو هي بقت واعية تماما باللي حصل، ومحملتش نفسها ذنوب ملهاش دعوة بيها..
ينفع نغير طريقتنا؟ أيوة ينفع.. ينفع ولادنا يتغيروا؟.. أيوة ينفع.. محدش بيفضل بشخصيته اللي كان طفل أو مراهق أو حتى شاب.. صحيح فيه طباع أساسية، لكن في إيدنا نهذبها..مش بنقول على حد مثلا، يااااه ده كان عصبي أوي زمان، بس هدي خالص دلوقتي..
كلنا بنتغير.. احنا اللي بنختار نشتغل على نفسنا ونتعلم طرق جديدة ونجتهد وندوّر، ولا نفضل قاعدين نزعق ونتعصب عمال على بطال، لمجرد إن هي دي المنطقة اللي عارفينها حتى لو غلط، لمجرد إننا عارفينها ومتعودين عليها؟؟..عمري ما قلت إن التغيير عادي وسهل
.. أنا نفس الشخص اللي كانت بتزعق لبناتها وكانت عصبية لما كانوا صغيرين، لغاية ما أدركت إن الأسلوب ده بيبعدهم عني، وبيخليهم متوترين..
.. أنا نفس الشخص اللي كانت بتزعق لبناتها وكانت عصبية لما كانوا صغيرين، لغاية ما أدركت إن الأسلوب ده بيبعدهم عني، وبيخليهم متوترين..ومشيت رحلة من التعليم والتجربة والتطبيق
.. والتعليم تاني وتالت ولغاية دلوقتي بتعلم، وانتو معايا في رحلتي
.. وأنا معاكم في رحلتكم
.. فأنا فاهمة أوي صعوبة التغيير اللي بتمر بيه كل أم علشان تقدر تتعامل مع بناتها بشكل أفضل..
.. والتعليم تاني وتالت ولغاية دلوقتي بتعلم، وانتو معايا في رحلتي.. وأنا معاكم في رحلتكم.. فأنا فاهمة أوي صعوبة التغيير اللي بتمر بيه كل أم علشان تقدر تتعامل مع بناتها بشكل أفضل..وهنفضل نتعلم لغاية آخر عمرنا بإذن الله
.. المهم نستعين بالله ومنيأسش، وعينينا تكون على هدف علاقة سوية بينا وبين بناتنا وولادنا بإذن الله
.. المهم نستعين بالله ومنيأسش، وعينينا تكون على هدف علاقة سوية بينا وبين بناتنا وولادنا بإذن الله
اترك تعليقاً