بنتك بتجيبلك انهيار وعايزة تعاقبيها طول الوقت؟؟
انتي شايفة إن بنتك بتغلط طول الوقت وده بيخليكي عايزة تعاقبيها وتزعقيلها طول الوقت
..
..هي بتغلط كتير؟؟ أكيد
..
..طيب إيه رأيك لو شفتي غلطاتها وردود فعلك عليها من زاوية مختلفة شوية؟؟..
لو شفتي إن غلطات بنتك عبارة عن إنها مش عارفة تعمل الصح أو إن فيه معوقات قدامها أو إنها متوترة لدرجة إنها مش شايفة إن اللي بتعمله غلط، هيخليكي تغيري طريقة تفكيرك من العقاب، إلى إنك عايزة تساعديها إنها تعدي من الوقت الصعب ده وهو ده اللي بيعمل الفرق كله..
وهو ده اللي انتي محتاجة تعمليه مع بنتك علشان هي تقدر تشوف إنها بتغلط فعلا وتقدر تميز الصح من الغلط..
وهو ده التعاطف.. وعلشان كده محتاجين نعرف يعني إيه كلمة “تعاطفي معاها” اللي بقولهالك طول الوقت؟؟..
التعاطف هو 5 حاجات تقدري تقوليهم لبنتك ويبقوا زي ميثاق العلاقة بينك وبين بنتك:“أنا معاكي في اللي انتي بتمري بيه”
“أنا مش هنا علشان أصلّحك”
“أنا مش هقولك تحسي بإيه أو أقولك إن إحساسك غلط”
“أنا هقولك إن فيه حاجات كتير حلوة في شخصيتك”
“أنا جنبك وانتي مش لوحدك في اللي بتمري بيه”
افتكري دايما إن العقاب مش هدف.. العقاب موجود علشان بنتك توقّف الحاجات الغلط اللي بتعملها.. لكن مش هتتعلم تعمل الصح من العقاب..
لو فعلا تعاطفتي مع بنتك بالخمس طرق دي، وعبرتي عنها بالقول والفعل فعلا، علاقتك ببنتك هتتغير تغيير جذري فعلا..
شاركيني أكتر جملة نفسك تقوليها لبنتك بصوت عالي..********
وعلشان تعرفي إيه أبسط طرق تساعدك في تربية بنت واثقة من نفسها، يمكنك طلب كتابي “كيف تربين فتاة واثقة من نفسها” في جميع محافظات مصر والوطن العربي والعالم من الموقع الالكتروني ل عصير الكتب، أو عن طريق التواصل على الواتساب على رقم
00201022286865
اترك تعليقاً