10 عادات يومية تقللي بيهم الخناق مع بنتك
خناق وزعيق طول اليوم مع بنتك؟؟
..
..مفيش طلب تطلبيه ولا كلمة تقوليها بتعدي بسهولة كده؟؟؟.. لازم بنتك تعمل حكاية وحدوتة وردود رهيبة على أي حاجة بتقوليها؟؟
..
..الطبيعي إننا بنأكلهم ونشربهم ونحضنهم ونبوسهم ونوصلهم للتمارين، ونوديهم للدكتور لو احتاجوا وندفع مصاريف المدرسة ونوديهم أنشطة خارجية هما بيحبوها.. ده أساس عادي ولو لقيتي إن فيه حاجات من الحاجات دي ناقصة، يبقى انتي محتاجة تلبيها فورا..
وجنب ده، انتي محتاجة تتبني عادات جديدة علشان تقللي خناقاتك مع بنتك، وتقوي علاقتك بيها.. ازاي؟؟بالعشر خطوات السهلين جدا دول:
1- الصبح وانتي بتصحي بنتك
، نامي جنبها ولو دقيقتين، قوليلها هي أد إيه شكلها جميل وهي نايمة، وإنك بتستنيها لما تصحى علشان بتبقى واحشاكي.. ملحوظة، كلنا بنبقى مش طايقين نفسنا واحنا صاحيين الصبح في البرد ده وبنصحيهم وبيطلعوا عينينا علشان هما ناموا متأخر امبارح.. معلش حطي الكلام ده على جنب وركزي في إنك تصحي بنتك الصبح بطريقة جميلة..
، نامي جنبها ولو دقيقتين، قوليلها هي أد إيه شكلها جميل وهي نايمة، وإنك بتستنيها لما تصحى علشان بتبقى واحشاكي.. ملحوظة، كلنا بنبقى مش طايقين نفسنا واحنا صاحيين الصبح في البرد ده وبنصحيهم وبيطلعوا عينينا علشان هما ناموا متأخر امبارح.. معلش حطي الكلام ده على جنب وركزي في إنك تصحي بنتك الصبح بطريقة جميلة..2- وهي نازلة الباص أو وانتي نازلة توصليها، قوليلها إنها هتوحشك جدا
.. هتقوليلي بتبقى بطيئة الصبح وهي بتلبس وبتطلع عينيا علشان تستعد للمدرسة، هقولك عادي ممكن تحمّري عينك شوية علشان تسرع، وقوليلها إنها هتوحشك بردو، لأن دي الحقيقة، هي مش عدوتك..
.. هتقوليلي بتبقى بطيئة الصبح وهي بتلبس وبتطلع عينيا علشان تستعد للمدرسة، هقولك عادي ممكن تحمّري عينك شوية علشان تسرع، وقوليلها إنها هتوحشك بردو، لأن دي الحقيقة، هي مش عدوتك..3- أحضان كتير بقى.. حضن وهي نازلة، وحضن وهي طالعة وحضن قبل ما تاكل، حضن ايفري وير 
.. الحضن بيفرز مادة الأوكسيتوسين oxytocin وهو هرمون الحب و ده بيساعد جدا في النمو الجسماني، والأبحاث قالت إن الطفل اللي مبيتحضنش كتير، بيعاني من الفشل في النمو.. مناعة بنتك بتزيد مع الأحضان الكتيرة، علشان ال oxytocin اللي بيفرز مع الحضن بيقوي جهاز المناعة وبيخفض ضغط الدم و بيخلي العضلات مسترخية relaxed وبترجع ضربات القلب لمعدلاتها الطبيعية.. وكمان الحضن بيهدي نوبات الغضب.. علشان ال oxytocin بيخفض مستوى هرمون التوتر الكورتيزول وبيخلق تأثير مهديء ومضاد للقلق .. الحضن كمان بيزود الإحساس بالأمان وبيزود الثقة و بيقلل الخوف و بيحسن العلاقة بين الأم و بنتها..
.. الحضن بيفرز مادة الأوكسيتوسين oxytocin وهو هرمون الحب و ده بيساعد جدا في النمو الجسماني، والأبحاث قالت إن الطفل اللي مبيتحضنش كتير، بيعاني من الفشل في النمو.. مناعة بنتك بتزيد مع الأحضان الكتيرة، علشان ال oxytocin اللي بيفرز مع الحضن بيقوي جهاز المناعة وبيخفض ضغط الدم و بيخلي العضلات مسترخية relaxed وبترجع ضربات القلب لمعدلاتها الطبيعية.. وكمان الحضن بيهدي نوبات الغضب.. علشان ال oxytocin بيخفض مستوى هرمون التوتر الكورتيزول وبيخلق تأثير مهديء ومضاد للقلق .. الحضن كمان بيزود الإحساس بالأمان وبيزود الثقة و بيقلل الخوف و بيحسن العلاقة بين الأم و بنتها..هتقوليلي بتشد نفسها مني لما آجي أحضنها، هقولك وماله، هو سن ما يعلم بيه إلا ربنا بس احنا مستمرين وبنعمل الصح، علشان الصح ده اللي هيجيب نتيجة بإذن الله..
4- لما تحكيلك على حاجة في المدرسة، اديها كامل انتباهك علشان تحس إنك مهتمة
.. سيبي الموبايل، وممكن توطي الأكل على النار لو ينفع واسمعيها وتفاعلي معاها، يعني مش تسمعي اللي هي بتقوله وبعدين تقوليلها “طب يلا علشان تلحقي تذاكري قبل التمرين”.. كده هتحس إنك مسمعتيش حاجة خالص..
.. سيبي الموبايل، وممكن توطي الأكل على النار لو ينفع واسمعيها وتفاعلي معاها، يعني مش تسمعي اللي هي بتقوله وبعدين تقوليلها “طب يلا علشان تلحقي تذاكري قبل التمرين”.. كده هتحس إنك مسمعتيش حاجة خالص..5- املي رصيد الحب.. في نص النهار، اقعدي اتكلمي معاها في أي حاجة هي بتحبها.. الوقت الخاص اللي انتي بتديهولها هي بس ولو حتى لخمس دقايق مهم جدا علشان كأنك بتملي رصيد الحب عندها لأن الرصيد ده بيفضل يتسحب منه مع كل زعيق أو تبريق أو انتقاد.. الإيداع لازم يبقى أكبر من السحب..
6- بليل اقعدوا قعدة حلوة قبل النوم
، ولو برده 5 أو 10 دقايق بس علشان غاليا هتفتكر كل ضيقتها وكل المشاعر السلبية اللي مرت بيها خلال اليوم قبل النوم وبتبقى عايزة تحكيلك كل حاجة.. اديها الفرصة دي..
، ولو برده 5 أو 10 دقايق بس علشان غاليا هتفتكر كل ضيقتها وكل المشاعر السلبية اللي مرت بيها خلال اليوم قبل النوم وبتبقى عايزة تحكيلك كل حاجة.. اديها الفرصة دي..7- زي ما الجري نص الجدعنة، فالتطنيش والتغافل هو نص النجاح في العلاقات
.. مفيش علاقة بتنجح بالتدقيق والوقفة على كل حاجة.. مش كل ما تتكلم بطريقة بايخة تزعقيلها.. ساعات وساعات.. اعملي نفسك مش واخدة بالك..
.. مفيش علاقة بتنجح بالتدقيق والوقفة على كل حاجة.. مش كل ما تتكلم بطريقة بايخة تزعقيلها.. ساعات وساعات.. اعملي نفسك مش واخدة بالك..8- نقصي حاجة من اللي بتنرفزك.. اقعدي وفكري إيه أكتر وقت بتبقي عصبية فيه ومبتبقيش قادرة تمسكي نفسك.. لو الصبح هو وقت عصبيتك، فكري إنك تنقصي حاجة واحدة من اللي بتعمليها الصبح.. مثلا حضري الساندوتشات من قبلها بليل، أو جهزي الخضار اللي بياخدوه المدرسة وقطعيه.. لو بليل، إيه اللي بينرفزك؟؟ إنها بتذاكر متأخر دايما؟؟.. يبقى انتي محتاجة تنقصي خناقتك على الموضوع ده، لو بقالكم سنين بتتخانقوا عليه.. ده طبع ومش هيتغير طالما حاولتي كتير..
9- احفظي النسبة دي في حياتك، 1:5 .. يعني محتاجين دايما مقابل كل زعيقة أو تبريقة أو أي تعامل سلبي بينا وبين ولادنا، محتاجين قصادهم 5 تعاملات هادية وإيجابية.. يعني مثلا، امدحي تعاونها لو شالت حتى طبقها.. امدحي إنها حكتلك اللي حصل النهاردة في المدرسة.. أو إن تسريحتها حلوة.. المهم إننا نتعامل كويس ونظهر الحب 80% مقابل 20% زعيق أو عصبية بتفلت مننا غصب عننا.. لو حاسة إن النسبة دي بعيدة دلوقتي، ابدئي ب 40% تعمل إيجابي مقابل 60% سلبي وزودي النسبة تدريجيا.. ومتقلقيش خالص طول ما انتي بتزودي حتى لو 1% كل شوية..
10- املي رصيد نفسك من الحب.. صحيح إحنا بنحتاج نتحب ونحس إننا محبوبين، لكن افرضي إن اللي حواليكي مش بيعرفوا يعبروا عن الحب ده؟؟.. ممكن تدوري على طريقة تاني، زي مثلا إنك تشتركي في عمل خيري.. مفيش أحلى من إعطاء الخير علشان تحسي بالحب ده بيملى نفسك وروحك..
كمان، محتاجة تدوري على حاجة لما بتعمليها بتحسي إنك مبسوطة.. حتى لو نزلتي الشارع علشان تدي قطة شوية لبن، أو إنك تقعدي في بلكونتك تتنفسي هوا ربنا وتستشعري نعمته عليكي.. أو ممكن تنزلي كافيه بتحبيه وتقعدي شوية وتاخدي كتابك المفضل أو تكلمي واحدة صاحبتك.. مش لازم تستني لما تسافري علشان تنبسطي، أحيانا كوباية شاي بالنعناع قدام الشباك كفيل بإنه يحسن مودك..
العشر خطوات دي هتضمنلك إن اليوم هيبقى أهدأ كتير من الأول بإذن الله وهتبقي انتي وبنتك أقدر بإن يبقى فيه تفاهم أفضل بكتير..
*************
وعلشان تعرفي إيه أبسط طرق تساعدك في تربية بنت واثقة من نفسها، يمكنك طلب كتابي “كيف تربين فتاة واثقة من نفسها” في جميع محافظات مصر والوطن العربي من الموقع الالكتروني ل عصير الكتب.
كما يوجد الكتاب بالمكتبات المختلفة بجميع محافظات مصر..
ولطلب كتاب “افهميني يا ماما”، يرجى الاتصال أو ارسال رسالة واتساب على رقم 01001631173
اترك تعليقاً