استمتعي بتربية أولادك. استمتعي بوجودهم، بضحكهم ولعبهم، استمتعي بمشاكلهم….
التربية مش سهلة وكتير بتكون فيها هموم، بس لما تستعيني بالله وحده و تخلصي النية لله انك همك تربيتهم تربية صالحة وانك تخليهم سعداء، ربنا بيهونها. أصل ربنا كريم أوي ورحيم أوي..
ضميرك بيأنبك علشان شغلك واخد جزء من وقتك، عوضيهم لما ترجعي، عوضيهم بحبك ولعبك معاهم وابتسامتك في وشهم. متفتكريش انك لما تجيبيلهم هدايا وانتي راجعة ان ده بيعوضهم عن غيابك، أبدا، ده بيطلعهم مستنيين دايما مقابل مادي قصاد كل حاجة…
نجاحك في تربيتك لأولادك هتجنيه بالصبر والدعاء، هتشوفي ثمرة تعبك وتربيتك لما يكبروا ويبقوا حريصين على برك وعلى القعدة معاكي.
يبقى متستعجليش واستمتعي… استمتعي بكل دقيقة معاهم
اترك تعليقاً